वजन कमी करण्यासाठी उपयुक्त फळे
Weight loss fruits in marathi
वजन वाढणे आजच्या जीवनशैलीचा मोठा भाग बनले आहे. जास्त फास्ट फूडचे सेवन, कमी शारीरिक हालचाल, तणाव आणि अपुरी झोप यामुळे वजन वाढीच्या समस्या वाढल्या आहेत. वजन कमी करणे म्हणजे केवळ सुंदर दिसणे नव्हे, तर निरोगी आयुष्य जगणे हेदेखील! जास्त वजन (obesity) हे मधुमेह, हृदयरोग आणि इतर आरोग्य समस्यांना कारणीभूत ठरू शकते. योग्य आहार, व्यायाम आणि जीवनशैलीत बदल करून वजन सहज कमी करता येते.
फळे, भाज्या, प्रोटीनयुक्त आहार आणि पुरेसे पाणी पिणे हे वजन घटविण्यासाठी मूलभूत आहे. तसेच, नियमित सराव (व्यायाम, योग, जॉगिंग) आणि झोपेचा नियमित काळ पाळल्यास चयापचय (metabolism) सुधारते आणि चरबी कमी होते. वजन नियंत्रणात ठेवण्यासाठी योग्य आहार घेणे खूप महत्त्वाचे आहे. आहारात फळांचा समावेश केल्यास वजन कमी करण्यात मदत होते. फळांमध्ये कमी कॅलोरी, भरपूर फायबर, जीवनसत्त्वे आणि अँटीऑक्सिडंट्स असतात, जे शरीराची पचनक्रिया सुधारतात आणि पोट भरल्याची भावना देतात. चला तर मग Gharguti Upay या Blog वरील या लेखात जाणून घेऊया वजन कमी करण्यात मदत करणारी काही प्रभावी फळे.
१. सफरचंद (Apple)
“दररोज एक सफरचंद खा आणि डॉक्टर दूर राहा” असे म्हटले जाते. सफरचंदात कमी कॅलोरी आणि भरपूर फायबर असते. सफरचंद खाल्ल्यानंतर पोट भरल्यासारखे वाटते, ज्यामुळे गरज नसतानाही खाण्याची सवय कमी होते. तसेच सफरचंदातील अँटीऑक्सिडंट्स आणि फ्लेव्होनॉयड्स शरीरातील चरबी कमी करण्यास मदत करतात.
२. संत्री (Orange)
Weight loss fruits in marathi
संत्रे हे खूप रसदार व कमी कॅलोरीचे फळ आहे. यामध्ये व्हिटॅमिन C प्रचुर प्रमाणात असते जे प्रतिकारशक्ती वाढवते आणि शरीरातील चरबी कमी करण्यासाठी मदत करते. संत्र्याचे सेवन केल्याने पाण्याची गरज भागते आणि पचनक्रिया सुरळीत राहते. संत्र्याच्या ताज्या रसाचा किंवा संपूर्ण संत्र्याचा आहारात समावेश केल्याने वजन कमी होण्यास मदत होते.
३. द्राक्षे (Grapes)
Weight loss fruits in marathi
द्राक्षांमध्ये अँटीऑक्सिडंट्स आणि रेस्व्हेराट्रोल नावाचे घटक असतात, जे चरबीच्या साठवणुकीवर नियंत्रण ठेवतात. मात्र, द्राक्षे थोड्या प्रमाणात खाणे गरजेचे आहे, कारण त्यात साखरेचे प्रमाण थोडे अधिक असते. एक मूठभर ताज्या द्राक्षांचे सेवन केल्यास ऊर्जा मिळते आणि गोड खाण्याची तल्लफही कमी होते.
४. केळी (Banana)
Weight loss fruits in marathi
केळीमध्ये नैसर्गिक साखर आणि फायबर भरपूर असते. केळी खाल्ल्याने लगेच ऊर्जा मिळते आणि पचनास मदत होते. वजन कमी करताना हलक्या स्नॅकसाठी केळी उत्तम पर्याय आहे. विशेषतः व्यायामानंतर केळी खाल्ल्यास स्नायूंची झीज भरून निघते.
५. पेरू (Guava)
Weight loss fruits in marathi
पेरूमध्ये कमी कॅलोरी आणि भरपूर फायबर असतो. तसेच, पेरूमध्ये व्हिटॅमिन C भरपूर असते. पेरू खाल्ल्याने पचनसंस्था सुधारते आणि चरबी जळण्याची प्रक्रिया गतीमान होते. वजन कमी करताना मधल्या वेळेस भूक लागल्यास पेरू खाणे हा एक चांगला पर्याय ठरतो.
६. स्ट्रॉबेरी (Strawberry)
Weight loss fruits in marathi
स्ट्रॉबेरीमध्ये अँटीऑक्सिडंट्स आणि फायबर मुबलक प्रमाणात असते. यामध्ये फार कमी कॅलोरी असल्याने वजन कमी करताना स्ट्रॉबेरीचा आहारात समावेश करता येतो. स्ट्रॉबेरीतले अँथोसायनिन्स नावाचे घटक चरबी कमी करण्यात मदत करतात.
७. टोमॅटो (Tomato)
Weight loss fruits in marathi
टोमॅटो हे फळ की भाजी या वादात न शिरता, याचे वजन कमी करण्यासाठीचे फायदे बघू. टोमॅटोमध्ये ‘लायकोपीन’ नावाचा अँटीऑक्सिडंट असतो, जो चरबी कमी करण्यात मदत करतो. टोमॅटोचे सूप किंवा टोमॅटोचा कच्चा वापर वजन कमी करण्यासाठी उपयुक्त ठरतो.
८. पपई (Papaya)
पपई पचनासाठी अत्यंत फायदेशीर आहे. यामध्ये पपेन नावाचे एन्झाइम असते जे अन्न पचवण्यास मदत करते. पपईमध्ये कमी कॅलोरी आणि भरपूर पाणी असल्यामुळे ते वजन कमी करण्यासाठी आदर्श फळ आहे.
वजन कमी करताना फळांचा आहारात कसा समावेश करावा?
- नाश्त्यामध्ये एक फळ खा.
- मधल्या वेळेस स्नॅक्स म्हणून फळे खा.
- फळांचा फ्रूट सलाड बनवा आणि जेवणात घ्या.
- साखर न घालता फळांचा रस किंवा स्मूदी बनवा.
वजन कमी करणे ही दीर्घकालीन प्रक्रिया आहे. केवळ चार पाच दिवसात वजन नियंत्रणात आणणे शक्य नसते . त्यासाठी खूप मेहनत , संतुलित आणि योग्य आहार आणि नियमित व्यायामाच्या जोडीने जर आपण विविध फळांचा नियामित समावेश आपल्या दैनंदिन आहारात केला, तर वजन कमी होण्यास मदत होतेच, शिवाय संपूर्ण आरोग्यही सुधारते. मात्र, लक्षात ठेवा, फळांमध्ये सुद्धा प्रमाण जपणे महत्त्वाचे आहे. संतुलित आहार, पुरेशी झोप आणि मानसिक तणाव दूर ठेवणे यामुळेच वजन कमी होऊ शकते.